Hvers vegna að skipta yfir í vetrardekk?
Þegar hitastigið lækkar á haustin, verður enn mikilvægara að gæta að öryggi á vegum. Gúmmíið sem notað er í sumardekk byrjar að harðna í 7°C, en það þýðir að veggripið á hjólbarðanum verður minna.
Vetrardekk hafa meira magn af náttúrulegu gúmmí en sumardekk og því eru vetrardekk liprari í kulda. Bíll á vetrarhjólbörðum er þess vegna stöðugri á köldum vegum. Einnig eru örþynnur í þúsundatali i vetrarhjólbörum, en þetta eru örlitlar grópir sem hindra að bíll renni á blautum vegi eins og í hálku og gefur þannig besta gripið í snjó og slyddu.
Eru vetrardekkin þín örugg?
Vetrardekk slitna og það sést á munstrinu sem slitnar smátt og smátt. Því grynnra sem mynstrið er því minna grip á vegum hefur hjólbarðinn.
Samkvæmt íslenskum lögum er lágmarks dýpt á mynstri 3mm. Ástæðan er að dekkið missir eiginleika sína og það bitnar á þér og öryggi allra sem eru með þér í umferðinni.
Til samanburðar þá er mynstrið á nýjum hjólbarða um 7-8 mm.
Bremsulengd: Sumarhjólbarðar vs vetrarhjólbarðar
Myndin sýnir muninn á bremsulengd eftir því hvort þú ert á vetrar-eða sumarhjólbörðum. (mynd frá Rådet for Større Dæksikkerhed)
Við mælum með að þú keyrir bílinn þinn á vetrarhjólbörðum frá miðjum október og til fyrsta apríl, en allt eftir veðuraðstæðum og hitastigi.
Merkingar á dekkjum
Það eru mörg tákn og númer á hjólbörðum. Hér geturðu séð hvað sum þeirra þýða
Hvað er Alpin táknið „snjókorn á fjalli“?
Vetrarhjólbarðarnir hafa frábæra eiginleika sem eykur öryggi og stjórn á snjó, snjóþungum vegum og almennt við lágt hitastig.
Hvað þýðir M+S merking?
Ef hjólbarðarnir þínir eru merktir með M+S merki þá þýðir það að þetta eru vetrarhjólbarðar eða heilsársdekk. En athugaðu vel… Það á einnig að vera snjókorn með M+S merkinu, því þetta eru vetrarhjólbarðar. M+S-merkið eitt og sér tryggir ekki að hjólbarðinn sé vetrarhjólbarði.
M+S merkið („snjódekk“) merkir að þetta eru hjólbarðar með mynstur á slitfletinum, úr gúmmíblöndu og samsetningu sem gefur betri aksturseiginleika í snjó heldur en venjuleg dekk, þegar talað er um eiginleika til að setja í gang eða halda bílnum á ferð.
M+S merkingin á alltaf að vera á öllum fjórum hjólbörðunum á bílnum þínum og má ekki nota með sumarhjólbörðum.
