Höggdeyfar

Samkvæmt þýskri könnun eru um það bil 50% allra bíla, á hverjum tíma  með slitna höggdeyfa og það getur verið hættulegt. Höggdeyfar eru nefnilega ekki bara til að gera keyrsluna þægilegri þegar keyrt er á holóttum vegum. Þeir eru mikilvægur hluti öryggisútbúnaðar bílsins.

Vissir þú að:

• Höggdeyfarnir tryggja að hjólbarðarnir hafi hámarks vegfestu
• Með slitnum höggdeyfum lengjast hemlaförin
• Slitnir höggdeyfar auka slit á hjólbörðum, hjólafestingum og yfirbyggingu bílsins
• Slitnir höggdeyfar skerða stýriseiginleika bílsins

Þumalfingursregla er að eitt sett af höggdeyfum endist í um það bil 100 000 km eða fimm ár á þjóðvegum.

Slitnir höggdeyfar = varasamt að aka

 Höggdeyfarnir fjórir tryggja að hjólbarðarnir hafi hámarks vegfestu Ef höggdeyfarnir eru slitnir lengjast hemlaförin verulega og stýriseiginleikar bílsins verða verri eins og þegar þú ætlar að sveigja framhjá einhverju óvæntu í umferðinni.

Fyrir utan þessi mjög svo skertu öryggisatriði hafa slitnir höggdeyfar einnig í för með sér óþarflega mikið slit á hjólbörðum, hjólafestingum og yfirbyggingu bílsins.

Fimm merki um slitna höggdeyfa

• Hljóð sem heyrist eins og dynkur í hvert sinn sem þú ekur yfir hraðahindrun
• Hjólbarðar bílsins slitna ekki jafnt
• Hlaup í stýrinu
• Bíllinn rásar þegar þú tekur beygju eða hemlar
• Bíllinn er lengur að hemla

KYB er öryggi

Við notum höggdeyfa frá KYB, sem eru af upprunalegum gæðum en það merkir að þeir eru settir á mjög margar gerðir bíla í verksmiðjunni.

KYB er stærsti framleiðandi höggdeyfa í heimi með 15 verksmiður í asíu, evrópu og bandaríkjunum en fyrirtækið framleiðir 75 milljón höggdeyfa á ári. KYB er með stærstu höggdeyfaverksmiðju í heimi en hún er staðsett í Japan og framleiðir 50 milljón höggdeyfa á ári. Það tekur aðeins 15 sekúndur að skipta í aðra tegund af höggdeyfa.

Fyrirtækið býr einnig yfir mjög mikilli reynslu á þessu sviði og veit hvaða áhrif það hefur á öryggið ef höggdeyfar bíls eru ekki í lagi.

Hvernig skoðar maður höggdeyfa bíls?

Það er hægt að athuga höggdeyfana sjálfur. Það er gert með því að ýta fast ofan á bílinn (að aftan og framan). Ef höggdeyfarnir virka og eru eins og þeir eiga að vera þá stöðvast hreyfingar bílsins fljótt. En ef bíllinn heldur áfram að rugga fram og aftur er ástæða til að láta athuga höggdeyfana.

Ef vakna spurningar má hafa samband við Motor Partner-verkstæði í nágrenninu.